INABOT ng halos sampung minuto ang biyahe patungo sa lokasyon ng shoot nila ngayong araw. Mayroong dalawang company van ang sumundo sa kanila na siyang magsisilbing service nila sa buong maghapon. Lulan ng unang sasakyan ang ilang miyembro ng production team tulad ng cameraman, producer, hair and make up artist, production and set designer, costume designer, production designer, set designer, at location administrator. Lulan naman ng ikalawang van ang direktor na si Jericho, ang mga aktor at aktres na mayroong papel sa senaryo na kanilang kukunan mamaya, isang technician, at ang kaibigan ni Jericho na isang post production supervisor.
Sampung minuto. Iyon ang sabi sa kanila ng drayber, ganoon lang daw kalayo ang tatakbuhin ng sasakyan at madadagdagan lang ng tatlo hanggang apat na minuto
