"Good morning!" Masiglang bati ko kay Jasmin kinabukasan.
Hinawi ko ang kurtina ng bintana saka binuksan, alas singko pa lang kaya wala pang masyadong sikat ng araw.
"Mom, ang aga pa..." Reklamo nito, saka isinubsob ang mukha sa unan.
Kagabi ay wala itong ginawa kundi umiyak nang umiyak sa akin, hinayaan ko lang siya. Nang mapagod ay nakatulog na rin.
"Bumangon ka na, nagluto na ako ng breakfast." Nakangiti akong nakatunghay sa kanya.
"Mommy, ayaw ko pang bumangon. Saka hindi ako papasok ngayon sa kompanya at school."
Tinatamad nitong sabi saka kinusot ang namamagang mata. Hinila ko ang dalawang kamay nito para bumangon.
"Baby girl, hindi rin ako papasok ngayon. Mamasyal na lang tayo, okay?" sabi ko sa naglalambing na boses.
Nitong mga nakaraang araw hindi ko siya nabigyan nang
