"Grabe! Bakit ba ang daming mga sulutirang mga babae ngayon?" palatak ni Jasmin nang nasa kotse na kami.
Nagmamaneho ako papunta sa ospital kung saan naka-duty si Andrea dahil isasama ko siyang mag-shopping para sa birthday ni Jasmin. Parang naging nakasanayan ko na, na sa tuwing sasapit ang birthday ni Jasmin ay palaging kaming tatlo ang magkasama.
Tahimik lang ako dahil pinapakiramdaman ko ang sarili dahil sa nasaksihan. Hindi ko alam kung bakit hindi ako halos makahinga. Biglang bumangon ang selos sa dibdib ko na hindi naman dapat. Lalaki si Chase, natural na pumatol ito sa ibang mga babae dahil hindi naman seryoso ang relasyon namin.
Bumalik sa alala ko ang nakita kanina, naghahalikan ang dalawa na parang wala ng bukas! Ang kamay ni Chase ay nakahawak sa balakang nito. Habang nakak
