"MAMA, ano pong gagawin ko? Dapat ko bang tulungan si John para sa anak niya kay Claire?" mga tanong ni Julieanne sa ina. Sinabi na nito ang pinag usapan nila ni John kahapon at gulong gulo na ang isip niya. 'Di na malaman ang gagawin, lalo't naiisip niya ang tungkol sa kaniyang mga anak. Higit na sila ang maapektuhan sa lahat. Maiipit ang mga bata at 'di rin malayo na marami silang gustong malaman.
"Anak, alam mo na darating ang ganitong pagkakataon na magkikita kayo ni John. Hindi naman habang buhay na magtatago ka. At hindi mo rin maitatago ang mga anak mo ng napakahabang panahon sa kanya. Basta ang isipin mo kung ano ang makakabuti sa kanila, sagot ni Alicia saka inihilig si Julieanne sa kanya.
Napapagid na rin siya ng katatago. 'Di na niya maiiwasan ang puwedeng mangyari. Kailangan
