"Sa akin na ba talaga ito?" Hindi ko makapaniwalang tanong kay Max na busy sa kaniyang cellphone, sa tingin ko ay may importante siyang ginagawa o kausap dahil kanina pa niya hawak ang cellphone niya at hindi man lang mabitawan kahit saglit.
Isang linggo na akong namalagi dito sa bahay na iniregalo niya sa akin matapos niyang ibigay ito sa akin kasama ang mga pinsan niya. Ibang-iba ang buhay dito dahil lahat ng gamit ay nandito na.
"Yeah," maikling sagot niya sa katanungan ko.
Palundag akong umupo sa sofa at tumabi sa kaniya. Hindi pa rin talaga ako makapaniwala na nakatira na ako ngayon sa isang mamahaling bahay, pero siyempre hindi ko pa rin pababayaan ang bahay na iniwan sa akin ng mga magulang ko.
"May gusto ka bang kainin? Ipagluluto kita," nakangiti kong sabi sa kaniya, pero hin
