Nagising na lang ako na katabi ko na si Aling Rosalita. Mukhang katatapos niya lang ding magdasal.
“Anong oras na po?” tanong ko.
“Alas-tres ng madaling araw,” sagot niya. Huminga naman ako nang malalim.
“Ang tagal ko pa lang nakatulog,” saad ko.
“Oo, pagod na pagod ang katawan mo,” sagot niya.
“Bakit po ganoon? Bakit sa tuwing may ginagawa ako eh bumabalik sa akin. Hindi po ba iyon agarang karma ko?” tanong ko sa kaniya. Napatigagal naman siya. Ilang sandali pa ay tumawa.
“Kung anu-ano ang pinag-iisip mong bata ka. Ganoon talaga dahil hindi pa sanay ang katawan mo sa kapangyarihang mayroon ka. Isa kang mortal na biglang naging immortal. Isinumpa ni Pasing ang kapangyarihan mo pero mas malakas iyon kaysa kapangyarihan niya. Gustuhin man niyang mamuhay ka nang tahimik ay wala si
