NADZ POINT OF VIEW
Umaga pa lang ay abala na ang buong academy. Sa labas ng clinic, rinig na rinig ko ang hiyawan at sigawan ng mga trainees habang ginagawa ang kanilang routine drills. Karaniwan na ang ganitong ingay, pero may kakaibang kaba akong nararamdaman ngayong araw.
Habang inaayos ko ang mga gamit sa loob ng clinic, bigla kong narinig ang isang malakas na pagsabog. Napapitlag ako, halos mabitawan ang hawak kong stethoscope. Saglit na naging tahimik ang paligid, pero sinundan ito ng malalakas na sigaw.
"Ano 'yun?!" tanong ko sa sarili ko habang tumatakbo palabas.
Bago pa ako makalayo, dumating si Sergeant Kyle na tila hinahabol ang sarili niyang hininga.
"Doc Nadz! Kailangan ka namin sa field, may mga nasugatan!" sigaw niya habang hinihingal.
Tumango ako at agad na kinuha an
