Katotohanan
DIMITRI
WALANG PATID NA pinaputukan niya ang mga kalalakihang nanakit kay Beatrice. Halos sumabog ang dibdib niya nang makita niya na puno ng dugo ang ulo nito.
“Let me go!! Dimitri, trust me, hindi ko kilala ang mga ’yan. Argh! Ano ba?! Bitiwan n’yo nga ako!” paghi-hysterical ni Charlene.
Binalingan niya si Dylan na tinitingnan ang kalagayan ni Beatrice.
“Dude, kailangan na nating dalhin sa hospital si Beatrice. Kailangan nang maagapan ang pagdurugo ng ulo niya,” sabi sa kanya ni Dylan.
Binalingan niya si Charlene na hawak-hawak nina Oscar. Nanlilisik niya itong tiningnan.
“Oscar, alam n’yo na ang gagawin sa babaeng ’yan. Kapag naayos na ang lagay ni Beatrice, iharap n’yo sa akin ang lahat ng kasabwat ni Charlene,” maawtoridad niyang utos.
