NAKAKABINGING katahimikan ang bumalot sa buong biyahe na kasama si Alexan. Wala itong imik habang nagmamaneho pauwi ng bahay niya. Hindi ko rin alam kung ano ang sasabihin ko sa lalaki kaya ay pinili ko nalang na sumandal sa sandalan ng passenger’s seat at nakatuon lang ang pansin sa daan.
Matapos ang nangyaring rebelasyon sa opisina kanina ay umalis na rin si Alexan matapos nitong ibulong sa akin na sabay kaming uuwi. Mas lalo pa akong nailang nang maraming tao ang lumapit sa cubicle ko at bumati sa akin. Pati si ma’am May ay halos hindi ako pinayagang magtrabaho, dahi daw asawa ako ng Big Boss namin.
Buti na lang at nandoon si Gracie upang kausapin si ma’am May na hindi dapat ibahin ang trato sa akin dahil empleyado pa rin ako sa kompanya. Lihim kong pinasalamatan si Gracie dahil sa
