DALAWANG LINGGO ANG LUMIPAS..
Mula sa sasakyan, nakatanaw siya sa bahay ni Timothy.
Sa loob ng dalawang Linggo, wala siyang balita kung nagtagumpay ba ang operasyon ni Christopher.
Umasa siya na pupuntahan siya ni Timothy, gaya ng ipinangako nito, ngunit hindi nito ginawa. Kaya napagdesisyunan niyang puntahan ito upang makibalita sa kalagayan ni Christopher. Hindi siya mapapalagay hangga't hindi niya nalalaman ang sitwasyon nito.
"Sino ho sila?"
"Pakisabi si Zasha Del Fio," magalang na wika ni Zasha sa security guard.
"Sandali lang ho."
Ilang minuto nang pagbuksan sila ng gate. Bigla namang kumabog ang dibdib ni Zasha. Hindi niya mapigilang kabahan sa maaaring malaman niya.
Labis-labis ang kahilingan niya na sana nagtagumpay ang operasyon ni Christopher.
"Hintayin niyo na la
