ISANG TAON ANG NAKALIPAS..
Buong pagmamahal na pinagmamasdan ni Zasha ang anak na mahimbing na natutulog. Isang taong gulang na rin ito rito sa hacienda.
'Di na siya bumalik pa ng Maynila. Tanging ang kanyang ama lang ang madalas na pumupunta roon dahil sa mga negosyo nito.
Namuhay siya ng tahimik sa haciendang ito. Marami mang nagtangkang ligawan siya, ngunit 'di niya binigyan ng pansin ang mga ito.
Sapat na ang kanyang anak upang maging masaya siya. May mga pagkakataong bumabalik sa kanya ang nakaraan, ngunit kaagad din niyang iwinawaksi. Hindi niya na nais balikan pa ang sakit na naranasan niya noon.
Hindi na rin siya nakibalita sa ama ng kanyang anak. Sa kabila noon - hinihiling pa rin niya ang kaligtasan nito.
Kung minsan, dumarating sa puntong umaasa siya na balang araw mag
