NGUMITI si Christopher nang makita ang kanang-kamay na si Henri. Nakaupo ito sa mahabang sofa, mukha ngang malalim ang iniisip at hindi siya 'agad napansin na nasa harapan na siya nito.
"Boss!"
Bigla itong napatayo. Isang tapik ang ibinigay niya rito. Kahit pinakawalan na niya ito bilang kanang-kamay, ganoon pa rin ang turing nito sa kanya.
"Maupo ka.."
Sabay pa silang umupo. Bale tinabihan na lang niya ito at mukhang mahalaga yata ang sasabihin nito.
Hanggang sa tumikhim ito at tumingin sa kanya.
"Magpapaalam na sana ako, boss na babalik na ako ng Maynila. Kailangan ko na sigurong tanggapin na ayaw mo na sa akin."
Na siyang ikinatawa ni Christopher. Pabiro pa niyang sinuntok ang braso nito. Wala pa ring pagbabago ang kanang-kamay niya.
Palabiro - iyon naman ang gusto niya s
