NAPANGITI si Zasha nang makitang abalang pinapalitan ng kanyang asawa ang diaper ng kanilang anak na si Princess Zaira.
Pagtingin niya sa orasan, pasado alas sais na ng umaga. Halos puyat na puyat siya kagabi at iyak nang iyak ang kanilang anak.
Kung si Christian, hindi iyakin noong bata pa - si Princess Zaira naman, masyadong iyakin. Madaling araw na siyang nakaidlip.
Himala nga at tahimik yata ito ngayon habang binibihisan ng sariling ama? Hindi man lang niya marinig na tila magsisimula itong umiyak?
Isang malalim na buntong hininga ang pinakawalan ni Zasha. Sa kabila nang antok na nararamdaman niya, 'di na niya kayang bumalik sa pagkakatulog.
"Done, Princess!" wika ni Christopher.
Buong ingat nitong kinarga si Zaira at isinayaw-sayaw nito. Napakagat-labi naman si Zasha. Ang sa
