NANGILID ang luha sa mga mata ni Christopher habang pinagmamasdan ang kanilang prinsesa.
Ang lakas-lakas ng iyak nito - ang mukha nitong tila pinagbiyak nang sariling ina nito. Ang kanyang minamahal na asawa.
Buong ingat na inilagay niya ito sa ibabaw ng tiyan ng asawa. Titig na titig siya sa asawang luhaan ang mga mata habang pinagmamasdan ang sariling anak.
Buong suyong pinunasan niya ang luha nito.
"My princess.." suminghot-singhot ito.
Hinagkan niya ito sa gilid ng ulo. Hindi biro ang paghihirap nito nang isilang si Princess Zaira.
Laking pasalamat ni Christopher at kinaya ng asawa - muntik na itong ipa-cesarean kung hindi lang ito nagpumilit na kakayanin nito.
Kulang na lang humagulhol si Christopher. Buong buhay niya, tila siya ginapangan ng matinding takot habang pinagma
