MALL OF ASIA
Kanina pa napapakamot si Christopher at nakailang shop na sila, wala namang binibili ang asawa niya.
Panay tanong lang nito sa mga saleslady, at kalauna'y iiwan din naman nito. Kung minsan, nahihiya na siya at pinapagod lang nito ang mga saleslady.
Bawal naman siyang magreklamo at tiyak na magagalit na naman ito sa kanya. Maya't maya pa naman ito naiinis kahit walang dahilan.
Nakakabilib nga at ang laki-laki na nang tiyan nito ngunit gustong-gusto pa ring maglakad nang maglakad. Tila exercise ang ginagawa nito.
Kuntudo alalay naman siya at baka bigla itong madulas. Siya pa nga ang nabibigatan sa itsura ng asawa. Ngunit tila wala lang dito at gustong-gusto pa ngang mag-iikot sa loob ng Mall.
Pasalamat talaga si Christopher at hindi malikot ang anak nila na karga-karga
