Pagod na patihayang ibinagsak ni Khrystell ang katawan sa malambot na kama. Wala na yata siyang luhang maiiyak pa. Natuyo na ang tear ducks niya pero ‘yong puso niya, parang hinati sa sakit. Siya ang dahilan kung bakit wala na ang kaniyang Ina. Ngunit kailangan niya itong tanggapin dahil kahit anong gawin niya hindi na niya mababago pa ang lahat.
Gusto niyang tanungin si Althdolfer kung ano ba talaga siya at sino siya pero pinakiusapan muna siya nitong magpahinga bago nito sabihin sa kaniya ang lahat.
Sino nga ba siya? Bumangon siya ulit at nasapo ang kaniyang ulo. Binilinan siya ng binata na kung maaari, wala siyang babasagin. Ano ba ang meron sa kamay niya? Napatingin siya sa dalawang palad. Tulad ng normal na tao, may mga linya iyon pero may balat siya sa gitna ng kanang palad na hugi
