◄Lucio's POV►
Bigla akong nagising, nagulat pa ako at napatingin sa aking orasang pambisig dahil pakiramdam ko ay gabi na. Tama nga ang hula ko dahil mag-aalas siyete na pala ng gabi at hindi pa kami kumakain ni Avvi kahit ng agahan. Napatingin ako sa aking asawa na mahimbing pa ring natutulog ng walang saplot sa tabi ko, kaya kinuha ko ang puting blanket at itinakip ko ito sa kanyang katawan.
Maingat akong tumayo upang hindi magising si Avvi. Pagkatapos ay nagtungo ako ng banyo at naligo agad ako dahil kailangan kong magluto ng hapunan namin. Hindi pa kumakain ang asawa ko mula kaninang umaga, at hindi rin ako sigurado kung kumain siya kagabi dahil mukhang nauna pa yata ang inuman nila kaysa ang hapunan.
Kinsi minutos lang ang itinagal ko sa paliligo, pagkatapos kong makapag-bihis ay m
