◄Lucio's POV►
Halos hindi ako nakatulog ng nahiga ako sa kama matapos naming mag-usap ni Calix. Tinabihan ko si Avvi kagabi sa pagtulog ko, pero ng magising ako ay tulog pa rin siya at hindi ko alam kung namalayan ba niya na katabi niya ako sa kama.
Sumasakit ang ulo ko, marahil ay kulang ako sa tulog kaya ang una kong ginawa ay uminom ng tubig, medyo nakatulong ito upang maibsan ang pananakit nito. Wala pa yatang isang oras ang naging tulog ko dahil sa tuwing gagalaw si Avvi, sinisigurado ko na hindi siya magigising. Titig na titig lang ako sa kanya habang pinagmamasdan ko ang mukha niya. Iniisip ko lahat ng sinabi sa akin ni Calix, mga sikretong sinabi niya sa akin na bumabagabag sa kanyang isipan. Ayoko ng ganoon kaya babaguhin ko ang takbo ng buhay ko, ng buhay namin ng aking asawa.
