KULANG ang sabihing nagulat si Riri nang malaman niyang ama pala niya si Indigo Rosales. Pakiramdam niya, gumuho bigla ang mundo.
Iisa lang kasi ang ibig sabihin niyon: magkapatid sila ni Stranger.
Gusto niyang isipin na nagsisinungaling lang ang Ate Ria niya. Pero wala siyang nararamdamang pagdaloy ng kuryente sa katawan niya. At hindi pa nga siya nakakabawi mula sa nakakagimbal na rebelasyon na 'yon, may narinig na naman siyang tuluyang ikinaguho ng mundo niya.
"Oo, Indigo," pagpapatuloy ni Ate Ria. Galit ang boses nito, pero nahihimigan din niya ang sakit. "Anak nga natin si Riri."
Muntik nang matumba si Riri dahil biglang nanghina ang mga tuhod niya dala ng shock. Mabuti na lang, nasalo siya ni Stranger.
"Riri..." nag-aalalang sabi ni Stranger.
Mabilis na humiwalay si Riri kay St
