FIVE years old lang si Riri nang una niyang maunawaan ang "special ability" niya. Sinabi niya 'yon sa taong pinagkakatiwalaan niya– si Ate Ria niya. Naaalala pa niya ang hapon na 'yon. Habang nakakandong siya sa kapatid niya, ikinuwento niya rito ang naramdaman niyang munting boltahe ng kuryente sa katawan niya nang sabihin ng teacher nila na hindi ito galit sa kanya pagkatapos niyang kulayan ng crayon ang bag nito.
"Teacher was lying, Ate," pagsusumbong ni Riri. "I can feel it. Hindi lang si teacher. I know when my classmates or anyone around tells a lie. But they get mad at me when I call them liar. Pero pa'no ko nagagawang malaman if a person is lying, Ate?"
"That's your special gift, Riri," kalmadong sabi naman ni Ate Ria. Gano'n naman ang kapatid niya– laging kalmado. "You can tell
