ANGEL
Ilang araw ko ng napapansin na parang wala sa sarili si Richard, kapag magkasama kami madalas parang problemado siya. Kagaya ngayon magkasama kami pero parang wala siya sa sarili niya.
"Doc, ayos ka lang ba? Bakit parang ang bigat ng problema mo? Mayroon ka bang gustong sabihin sa akin?" sunod-sunod na tanong ko sa kanya.
"M-may gusto sana akong sabihin sayo, pero next time na lang; kumain na lang muna tayo." sabi niya sa akin.
"Bakit di mo pa sabihin baka makatulong ako sayo?" muli kong ani.
"Sa ibang araw na lang siguro, bilisan na nating kumain. Mayroon pa akong naka schedule na operation today." malungkot na sagot niya sa akin.
Simula ng bumalik kami galing sa team building biglang nagbago ang ugali ni Richard, pati ang pakikitungo niya sa akin ay nanlamig din. Madalas ko
