TAHIMIK lang akong nakatanaw sa paghampas ng alon mula sa malalaking bato sa dalampasigan. Kasalukuyan kaming nasa isang private resort. Dinala ako rito ni Beckett para magbakasayon, para raw hindi ko masyadong ma-miss ang mga anak ko, gayong nasa Italy na sila.
Halos dalawang Lingo na rin ang nakalilipas mula noong huling pagkikita namin ni Apple. Hanggang ngayon hindi pa rin mawala sa isip ko ang kwintas na nasa kanya ngayon. Ayoko man isipin na may relasyon ang dalawa pero iyon nakikita ko.
Wala naman sa akin kung makipagrelasyon si Apple. Magiging masaya pa nga ako. Pero bakit sa dinami-rami ng lalaki, bakit si Beckham pa? Walang problema sa akin kung ang dati kong asawa ang magiging karelasyon niya pero alam naman niya kung gaano kahalang ang bituka ni Beckham at alam din niya kung
