Hindi maayos ang tulog ni Aqua buong magdamag. Manaka-nakang nagigising siya baka katabi na niyan si Hiro o kaya ay pinuntahan siya bago matulog ang binata. Subalit walang senyales na umuwi si Hiro kagabi. Nakailang tanaw na din siya sa parking area kung naroon ang ginamit nitong sasakyan pero wala ito doon. Ibig sabihin lang na hindi nga umuwi si Hiro sa Mansyon at magdamag nitong sinamahan ang Mommy ni Trixie. Nalungkot siya pero kailangan niyang magpatuloy sa kanyang trabaho. Hindi pa sana siya papasok kaya lang ay kailangan baka sabihin ni Dok Santos napaka-arte na niya.
"Papasok ka?" tanong ni Logan nang makita niyang nakabihis si Aqua.
"Oo bakit?" Tinatamad na sagot ng dalaga.
"Ang sabi sa akin ni Kuya excuse muna kita kay Dok Santos baka daw masama pa ang pakiramdam mo ngayon." S
