Medyo napahinto si Aqua nang makita nitong si Hiro nga ang naghihintay sa labas para sunduin siya sa hapong iyon. Kinusot pa niya ang kanyang mga mata at baka namamalik-mata lamang siya. Subalit talagang si Hiro nga ang kanyang sundo. May kausap ito sa selpon kaya hindi siya agad nakita ng binata. Walang pagsidlan nang saya ang kanyang nadarama dahil sa wakas ay may oras na ang binata sa kanya.
"Sige po babalik ako diyan mamayang gabi," narinig ni Aqua na sabi ni Hiro sa kausap nito.
Bigla tuloy napasimangot si Aqua alam na naman niyang ang Mommy ni Trixie ang katawagan ng binata. Pero wala naman siyang magagawa kung hindi ang manahimik na lamang. Baka sabihan pa siyang ilusyunada at feelingera kapag nagreklamo siya. Ang mahalaga sa kanya ngayon ay nagkaroon din si Hiro ng time para sa k
