"Kaya nga Tita, I really want to have a baby na talaga. Gusto niyo na rin ba kaming magka-apo ni Achilles?" Walang hiyang tanong ni Amanda, tumatawa, at halos kinikilig siya.
"No. I mean, hindi pa pwede. Hindi pa kayo kasal," sagot ni Tita.
"Eh magpakasal na kami."
"You should know each other first bago iyan Hija. Enjoy mo muna ang life mo bago pa man tuluyang pumasok sa pag-aasawa. At saka, who knows, baka magbabago pa iyang isipan mo. Hindi pala ang aking anak ang nakatadhana sa iyo. Maraming lalaki sa mundo, alam mo iyon."
"Tita naman, parang ayaw niyo ako maging asawa ni Achilles. Parang ramdam kong tinataboy mo ako." May pagtatampo na sambit ni Amanda.
Tahimik lang din si Achilles sa tabi ni Amanda habang pinagmasdan lang niya akong nananatiling nakatayo dito malapit sa may sofa.
