Chapter 48 : Kapangyarihan ng yelo
“Ibang klase ang Sekani Squad kanina,” puri ni Gustava habang nananghalian na sina Sekani.
“Ito ang unang beses na makita ko ang mga kakayahan nila. Kahit ako ay napahanga rin,” puri rin ni Sekani sa mga kasama niya kaya napapangiti ang mga ito habang kasabay na kumakain sa hapagkainan.
“Masaya rin kami dahil kasabay namin sa pagkain ang Prinsipe at si Binibining Gustava,” sabi naman ni Tulya.
“Kumain na kayo nang kumain ay mamayang hapon ay babalik na tayo sa Chimera Town,” sabi ni Sekani kaya biglang nag-iba ang mga mukha ng mga ito. Halatang nalungkot agad ang mga ito.
“Ang ikli po talaga ng oras kapag masaya,” mahiya-hiyang sabi ni Daing.
“Tama. Ang saya kasi pala dito sa teritoryo ng mga tao. Hindi naman pala sila ganoong kasama gaya ng iniisi
