Chapter 60 : Ang pagsugod ni Sekani sa Killen Town
Pagpasok ni Prinsipe Sekani sa silid ng pagpupulong ay nakita niyang wala pa sina Dominic at Wasuna. Tinignan niya si Zarina dahil alam niyang silang dalawa ni Wasuna ang palaging magkasama. “Nasaan siya?” tanong niya.
“Nang puntahan ko siya sa kaniyang silid ay wala na siya roon. Akala ko nga ay narito na siya. Nagtaka na lang ako na wala pa rin pala siya rito,” sagot ni Zarina sa kaniya.
Napaupo na lang si Sekani at saka tumingin sa dalawang upuan na bakante. Kinabahan siya bigla. Hindi pa naman nagpapahuli si Wasuna kapag nagpapatawag siya ng pagpupulong.
“Mabuti ay iikutin ko na muna saglit ang Chimera Town. Titignan ko kung mahahanap ko silang dalawa,” sabi ni Sarjento at saka ito lumabas sa silid na iyon.
Habang naghihintay sila
