Ang masarap na tulog ng dalaga ay bigla na lang naudlot dahil sa ingay na kaniyang narinig. Papikit-pikit siyang bumangon sa kama niya dahil inaantok pa siya. Gusto niyang bumalik sa pagtulog pero ang kuryusidad niya ang nangibabaw. Gusto niyang malaman kung nagkakagulo o mas tamang sabihin na kung bakit maingay sa ibaba. Hindi niya alam kung bakit, wala namang sinabi ang kaniyang mga magulang kung may bisita sila ngayon na pupunta rito.
Kumunot ang noo niya nang wala man lang siyang narinig na alarm sa kaniyang phone. Natandaan niya kagabi na nagset-up siya ng alarm para maaga siyang gumising. Kinuha niya ang kaniyang phone sa bedside table para tingnan kung anong oras na. Napatampal siya sa kaniyang noo nang makitang malapit na pa lang magtanghalian.
May lakad pala sila ngayon ni Ken,
