NAHABAG at napakagat-labi si Calley nang makita niya sa ganoong ayos si Zack kaya kahit masama pa ang loob niya sa lalaki ay marahan niya itong kinalabit upang gisingin.
"Z-Zack, gising. Pumasok ka sa loob ng bahay," mahinang pagtawag niya sa lalaki. Subalit makalipas ang ilang sandali ay hindi ito natinag kaya muli niya itong tinawag. "Zack..." Bahagya rin niya itong niyuko upang amuyin at napagtanto niyang nakainom ang nobyo. "Zack, gising. Pumasok ka na sa loob ng bahay..." muling pagtawag niya kasabay ng mahinang pagyugyog sa balikat nito.
Mayamaya pa nga'y gumalaw ito hanggang sa magising. Bahagya pang nagulat si Zack nang makita siyang nakatayo roon kaya bumalikwas din ito ng tayo.
"I'm sorry, I didn't want to disturb you kaya hindi na 'ko pumasok," hinging-paumanhin nito habang
