Ang totoo ay wala pang balak umalis ng New York si Maricon, nagcheck-in ito sa isang hotel, doon ay nag-isip. Masamang-masama pa rin ang kanyang loob dahil sa kinahinatnan ng kanyang pagsunod sa kanyang puso. Muli siyang naiyak sa sama ng loob. Nagdesisyon na siya, pero dama niya sa kanyang puso ang sakit dahil kailangan niyang tanggapin ang desisyon ni Gilbert.
Naisipan niyang magtungo sa Central Park kahit gabi na. Gusto niyang malibang. Sa huling pagkakataon, gugunitain niya dito ang mga alaala nila ni Gilbert.
Dito nagsimula ang lahat, dito sila unang pinagtagpo ng kapalaran at ngayon ang huling beses na pagtungtong niya dito dahil bukas ay kukuha siya ng kanyang ticket pabalik ng Pilipinas.
Kanina pa pinagsasawa ni Maricon ang kanyang mga mata sa paligid. Mas maganda pala ang Centr
