Muling dumaan ang mga araw, sinikap ni Maricon na maging maayos at normal ang lahat. Nagpatuloy ito sa regular na gawain at magiliw na pakikitungo kay Alex. Subalit ang bigat na nadarama niya sa kanyang puso ay hindi kayang pagtakpan ng maghapong pagiging abala at ng mga lambing na natatanggap niya mula kay Alex.
Laging sumasagi sa isip niya si Gilbert, iniisip niya ang sakit na naidulot nito sa kanya.
“Mam, may dumating pong dokumento kanina para sa inyo,” salubong ni Manang Thelma sa kanya pagdating niya ng bahay.
Inabot niya ito, binuksan ang nakaplastik pang dokumento. Galing ito sa New York Lawsuit na nakapangalan sa atorni ni Gilbert.
Tila nanlambot ang kanyang mga tuhod na humakbang papunta sa upuang malapit sa kanyang kinatatayuan.
Marahan siyang naupo at inilapa
