Isa na namang nakakabagot na araw.
Napapansin ko lang masyadong busy ang mga tao ngayon sa bahay na may kanya-kanyang pinagkakaabalahan.
At ang mas nakakagulat ay mukhang si Fhel Ashley ang may pinakaimportanteng ginagawa dahil siya itong kinukonsulta ng mga abalang kapatid ko sa kung anumang dahilan ng pagiging busy nila.
"Hello people of the world!"
Tinaasan ko ng kilay ang biglang pagdating ng isa ko pang baliw na Garcia na sa kasamaang palad ay pinsan ko pa.
"Magbigay pugay aking mga nasasakupan!"
Isang salita pa mula kay Kylie at ipapatapon ko na talaga siya sa Mars.
Nang mapansin niya siguro ang masama kong tingin sa kanya habang nakaupo ako sa sofa dito sa sala namin kung saan siya parang baliw na sigaw nang sigaw ay agad itong sumeryoso at ngumuso na para bang bait-baitan n
