Pigil ang emosyon na nagpatianod ako sa pag-guide sa'kin nina Mommy at Daddy upang magsimulang maglakad papunta sa kinaroroonan ni Rave.
Ramdam ko ang panginginig ng mga binti ko dahil sa excitement at kaba.
Hindi ako na-inform na nakakakaba pala ang ikakasal. Hindi ko kasi napaghandaan!
Sa bawat madadaanan naming hanay ng mga ukopadong upuan ay nagsitayuan ang mga bisitang nakaupo roon at pumalakpak habang masayang pinanood ang pagdaan ko.
Unconsciously ay napakapit ako nang mahigpit sa braso ni Daddy.
"Sabihin mo lang kung gusto mong umatras," bulong sa'kin ni Daddy. "Nakaabang na ang runaway vehicle natin."
Pabirong hinampas ni Mommy si Daddy pero tumawa lang ang huli.
"Huwag kang makinig sa Daddy mo," baling ni Mommy sa akin.
Napangiti na lang ako sa mga magulang ko at unti-un
