Matapos ang proposal ni Rave sa mall ay magkasama na kaming umuwi ng bahay.
Humiwalay na sa amin si Ate Evie dahil may importanteng tawag itong natanggap mula sa opisina.
Ewan ko sa babaeng iyon kung bakit sinamahan pa ako eh may trabaho naman pala siyang naiwan.
Feeling ko tuloy lumambot ang puso ni Ice Queen para sa akin nitong mga nakaraang araw.
Napapansin ko kasi na mula nang tumira ulit ako sa bahay namin ay bihira ng umalis si Ate Evie papuntang opisina.
Kalimitan ay iyong assistant niya ang pumupunta sa bahay at naghahatid ng mga dokumentong kailangan ang pirma niya.
Ang creepy na nga minsan kasi pakiramdam ko ay nakasunod sa bawat kilos ko ang malamig na mga mata ni Ate Evie.
Habang nasa kotse kami ni Rave pauwi ay feel ko pa rin ang kilig doon sa ginawa niyang proposal k
