Mabilis akong nagpumiglas mula sa taong nagtakip ng bibig ko.
Napaungol ito nang natamaan ko ang tagiliran nito ng siko.
Mabilis akong humarap sa gagong may mabahong kamay na itinakip pa talaga sa bibig ko.
Agad kong naibaba ang pag-angat ng kamao kasabay nang panlalaki ng mga mata ko nang mapagsino ang may-ari ng mabahong kamay.
"Aki!" di makapaniwala kong bulalas.
Kamukha siya ng baliw na si Given pero sa nakikita kong ayos niya ngayon ay nasisiguro kong hindi siya iyong baliw na tinakasan ko.
Gusot ang marumi niyang damit at putok ang mga labi niya at nangangasol ang namamaga niyang kaliwang pisngi. Maging iyong isang mata niya ay halos nakapikit na dahil sa pamamaga tapos namilipit pa siyang nakahawak sa tagiliran niyang tinamaan ng siko ko.
"Oh my gosh! Sorry... ikaw naman kasi
