Hindi ako pumayag na ma-confine sa hospital dahil wala naman akong diramdam.
Masyado lang OA si Don Krino. Sumama lang naman ako sa hospital dahil kay Aki.
Nang masiguro kong hindi malala ang tama nito at ligtas na ito ay tsaka lang nabawasan iyong mabigat kong dinadala.
Kahit kasi ang laki ng dalang pasakit sa buhay ko ni Given ay di ko pa rin maiwasang masaktan nang ideklarang dead on arrival ito.
Lalong bumigat ang pakiramdam ko nang makita ko si Mrs. Velez na ina nito at ni Aki na halos ayaw pakawalan ang walang buhay na katawan ng anak niya habang umiiyak na tinatawag niya ito.
Para sa isang ina kahit ano pa ang pagkakamaling nagawa ng kanyang anak ay di pa rin iyon makababawas sa sakit at pangungulila kung sakaling may masamang mangyari dito.
Magiging isang ina na rin ako kaya
