"ABA! MAG- IISANG linggo na tayo sa coffee shop pero hindi pa rin lumulubay ang bulaklak na 'yan araw-araw Alexa!" wika ni Lhira habang nasa loob sila ng apartment na kanilang tinutuluyan.
Maging siya'y nagtataka na rin sa araw-araw na pagpapadala ng bulaklak sa kanya. Hindi naman niya mahulaan kung sino ba ang taong nagpapadala niyon.
"Malay ko ba diyan!" dabog niyang sagot din.
Minsan naghihinayang na rin siya sa pagtapon ng bulaklak. At kung 'di niya iyon gagawin tiyak mamumuno ng bulaklak ang loob ng kuwarto nila.
"Baka naman kase may manliligaw ka at ayaw mo pa'ng aminin." taas kilay nito at pigil na ngiti ang nasa labi.
"Manliligaw?! Katutongtong ko pa lang sa apartment na ito at wala pang isang oras may bulaklak na akong natanggap! Ni, ikaw nga lang ang nakakausap ko at iyong
