HINDI ALINTANA ni Alexa ang matinding gutom. Nagkulong siya ng kuwarto pagkarating nila ng bahay. Samantalang ang kaniyang magulang at kapatid dumiretsyo ng kusina para sa late na pananghaliang binili lamang sa canteen na kanilang dinaanan.
Pagkasarado niya ng pintuan, mabilis siyang naupo sa kaniyang kama kung saan natutulog dati sina Blue at Greg. Tumalungko siya doon habang salo ng magkabilang tuhod ang magkabilang baraso niya. Yumuko ang ulo niya doon at hinayaan ang sariling lumuha. Ilabas ang sakit na nasa dibdib niya.
Nagsinungaling sa kaniya ang nobyo. Pinaniwala siya nitong gusto siya ng ina nito na malayo naman sa sinabi nito. Lahat ng narinig niya na nanggagaling sa ina nito ay halos panlalait sa kaniya maging sa mga magulang niya. At hindi niya kayang tanggapin na ganoon pa
