Chapter 29
Anastasia Resurreccion
“Ikaw ba ang boyfriend ng anak ko?”
Sabay naming nilingon si Papa na biglang dumungaw sa lamesa.
Luminga ako sa paligid at nakitang kakaunti na lang pala ang mga kumakain. Hindi ko siguro napansin ang oras dahil kanina pa kami abala ni Wayne tungkol sa kaso ni Gabriel. Isang araw ay dumalaw ulit si Wayne dito sa Santiago para kumalap ang mga bagong impormasyon. Dumaan siya sa resto para balitaan ako tungkol dito at para na rin maabisuhan tungkol sa nakuha niyang abogado ni Gabriel.
“Hindi po, Mr. Resurreccion.” Lumaki ang mga mata nito at umayos ng upo.
Nilingon niya ako sa pagkabahala. Napangiwi kaagad ako sa nakangising mukha ni Papa.
“Papa…” Pinandilatan ko si Papa na mukhang walang naririnig o nakikita.
“Luisa! Dinala na ng anak mo ang boyf
