“Ano ba ang hinahanap mong palabas sa t.v at panay ang lipat mo ng mga channel?”
Nahinto ako sa pagpindot ng remote nang magsalita si mama. Naglapag siya ng meryenda sa lamesita at tumabi sa akin.
“Oh! Bakit huminto ka?” tanong pa niya sa akin habang naiiling. “Ano bang palabas ang hinahanap mo?”
“Wala po. Naghahanap lang ako ng magandang balita.”
Napabuntong hininga ako at nahilot na lang ang aking sentido. Wala akong maayos na tulog dahil sa nangyari kagabi.
Hindi na ulit tumawag si Jared sa akin at sinusubukan kong tawagan ang number niya kagabi pa ngunit out of coverage area na ito. At ngayong umaga nga ay para akong sira na panay ang paglipat lipat ng mga channels ng t.v para manuod ng mga balita. Umaasang may maibalitang insidente ng barilan kagabi.
Alam ko at sigurado ako na p
