"MA'AM, Savannah?" Napatayo ako mula sa pagkakahiga at naglakad patungo sa pinto nang marinig kong tawagin ako ng tagalinis sa bahay ni Josiah.
Binuksan ko 'yon at sumalubong sa akin ang nakangiting matandang babae na may hawak na walis, nginitian ko siya pabalik.
"Bakit po, Manang Sol?" marahang tanong ko sa kanya.
"Tumawag po si sir. Pinapasabing magbihis daw po kayo at susunduin niya raw po kayo rito mamaya. Babalik daw po siya bago mag alas siyete ng gabi kaya mag-ayos daw po kayo bago siya dumating dahil lalabas daw po kayong dalawa," aniya.
"O-ok po. Sige... Salamat." Tumango ako sa kanya bago siya nagpaalam na babalik na sa baba para maglinis.
Sinarado ko ang pinto at umupo sa kama habang iniisip pa rin ang tungkol sa bagay na 'yon. Susunduin niya ako mamaya? Saan kami pupunta?
