NATUTULOG NA si Andrea at baby Jerieve sa kwarto ng mga ito nang iwanan ito ng tatlong binata. Sabay-sabay na bumaba ang mga ito ng hagdan at tumungo sa komedor.
Naghila ng upuan si Rihan at Reeve. Nagsuot naman ng apron si Jedric. "Magluluto ako ng tuna sisig. Iinom natin 'yan. Sa hilatsa pa lang ng mga itsura niyo, halatang may gustong uminom eh," nakangising sabi nito.
Napaismid si Rihan sakaniya. "Tigilan mo nga kami, magkukusa ka bang magluto ng tuna de leche mo kung wala ka rin iha-hanash?"
Nabwisit si Jedric at binaba ang sinsi na hawak. "Tuna de leche? Baka kayo ang leche sa buhay ko, pasalamat nga kayo ipag-se-serve pa kayo eh," busangot na sabi nito.
Nagkaasaran ang dalawa. Ngunit si Reeve ay nanatiling tahimik lang sa upuan. Tila napakalalim ng iniisip. Sinagi ito ni Rihan.
