***Remus POV***
NAPAPANGITI ako habang pinagmamasdan ang asawa na binobotones ang suot kong long sleeve polo. Simula ng maging mag asawa kami at lumipat sya dito sa kwarto ko ay inaasikaso na nya ako. Sya ang nag aayos ng mga damit na susuotin ko. Hindi naman nya ito kailangan gawin at hindi ko sya inoobliga. Hindi ko naman sya pinakasalan para pagsilbihan nya ako. Pero ito ang gusto nyang gawin. At sino ba naman ako para tumanggi? Masarap mag alaga ang asawa ko. Pakiramdam ko importante ako.
Ang sarap sa pakiramdam na sabihing asawa ko sya. Hindi ko akalain na ganito pala ang pakiramdam na mapangasawa ang babaeng minamahal. Kung dati ay halos ayoko ng mahiwalay sa kanya, mas lalo na ngayon. Parang lagi na akong tinatamad na pumasok sa opisina. Parang mas gusto kong dito na lang mamala
