Floreza POV
SUNOD sunod ang subo ko ng kanin at ulam. Tatlong klase ng ulam ang hinain sa akin ni Nanay Rosita. Sinigang na isda na kulay orange, menudo at fried chicken. Katatapos ko lang linisin ang mga sasakyan sa garahe, kaya gutom na gutom ako. Lagpas tanghalian na nga e, pero tinapos ko muna ang paglilinis bago kumain.
"O dahan dahan lang, anak. Baka mabulunan ka naman nyan." Paalala ni Nanay Rosita at sinalinan ako ng juice sa baso.
Nilunok ko muna ang pagkain at dinampot ang baso ng juice at uminom.
"Ang dami ko pong pagod, nanay. Pero at least tapos na akong maglinis ng mga sasakyan." Sabi ko at dinampot ang hita ng fried chicken sabay kagat ng malaki.
"Pagkatapos mong kumain magpahinga ka muna."
"Opo nanay."
"Floreza."
Nilingon ko si Ate Stacey na pumasok sa kusina. D
