***Floreza POV***
"HUMIHINGI ako ng tawad sa inyo, ma'am. Alam kong hindi ganun kadali ang magpatawad. Handa akong tanggapin ang kaparusahang ibibigay nyo." Mapagkumbabang wika ni Tiyong Cesar kay mommy.
Hindi naman umimik si mommy at matiim lang na nakatingin kay Tiyong Cesar.
Bumuntong hininga ako at hinawakan ang kamay ni mommy. "Mommy, huwag po sana kayong magalit kay Tiyong Cesar, at kay Nanay Digna at Tatay Celso. Binuwis po nila ang buhay nila para itakas kami ni Ate Stacey kay Ka Mando. Naging mabuti po silang magulang sa amin ni ate, ganun din po si tiyong. Kahit hindi po nila kami tunay na anak, pero tinuring nila kaming parang tunay na kanila. Gaya po nila Nanay Rosita at Tatay Rogelio. Mabubuti po sila hindi kagaya ni Ka Mando.." Sumulyap ako kay Tiyong Cesar. "Si tiyong..
