MALAKAS na napatili si Fely nang hablutin bigla ni Sarrah ang kanyang buhok. Nawalan siya ng balanse at napaluhod siya sa malamig na sahig ng CR. Nakaramdam siya ng sakit sa parteng iyon ng kanyang katawan ngunit hindi na niya iyon ininda dahil mas nananaig sa kanya ang takot sa gagawin sa kanya ni Sarrah.
"S-sarrah... M-aawa ka..." paghingi ni Fely ng awa. Nanginginig na ang buo niyang katawan sa labis na takot.
Muli siyang napasigaw sa sakit nang hilahin siya ni Sarrah sa buhok pataas. Iniharap nito ang mukha niya sa galit na galit na mukha nito. "Sinira mo ang buhay ko, Fely! Ito ang bunga ng mga mali mong desisyon. Pati ang kapatid ko ay nadamay!" ramdam niya ang poot dito.
"H-hindi ko alam ang sinasabi mo---"
"Hindi mo alam?!" at mas nilakasan nito ang paghila sa kanyang buhok. Gi
