"IPUTOK mo na ang baril, Patricia! Barilin mo na si Teacher Fely!" sigaw ni Portia nang sa wakas ay makawala na siya mula sa pagkakasakal sa kanya ni Teacher Fely.
Patuloy sila sa pagpapambuno ni Teacher Fely. Hawak nila ang braso ng isa't-isa. Hindi pwedeng makawala ang kanilang guro. Nasa kanila na ni Patricia ang pagkakataon para patayin ito!
Muli niyang tiningnan si Patricia. Nakatutok pa rin ang baril nito sa kanila ni Teacher Fely. Panay rin ang iyak nito. "Ano ba, Patricia?! `Wag kang tatanga-tanga diyan! Barilin mo na siya!" gigil na sigaw pa niya.
Lumuluha na umiling si Patricia. "Patawarin mo ako, Portia..." Nakita niya ang higpit ng pagkakahawak nito sa baril.
"A-anong ibig mong---" Hindi na niya naituloy pa ang sasabihin nang umalingawngaw sa buong cellar ang malakas na tun
