NAPAPITLAG si Portia nang makarinig siya ng mga yabag ng paa. Nang imulat niya ang kanyang mga mata ay nakita niya na papasok ng cellar si Teacher Fely. May dala na naman itong isang kahon na hindi naman ganoon kalaki. Wala siyang ideya kung gaano sila katagal iniwanan ni Teacher Fely doon. Hindi niya alam kung ilang araw bago ito bumalik dahil hindi niya alam kung gabi na ba o umaga pa dahil sa kulong na kulong ang kinaroroonan nila.
"Kumusta naman kayo dito? Nag-aalala ako sa inyo baka namatay na kayo kaya binalikan ko na kayo makalipas ang isang araw!" tila nang-aasar na sabi ni Teacher Fely nang nakapwesto na ito sa unahan.
"Hinayaan mo na lang sana kaming mamatay!" nanghihinang sagot dito ni Renz dahil sa gutom.
Malakas na tumawa si Teacher Fely. "Iyan naman ang hindi ko hahayaang
