LAHAT ay hindi makapaniwala sa sinabing iyon ni Fely. Alam niyang nagtataka ang lahat dahil sa pagbibigay niya ng pagkakataon na iyon kay Portia kahit na nalaman na niya na ito ang punu't dulo ng lahat ng pagiging bully ng mga ito. Pero iyon naman talaga ang gusto niya, ang paglaruan ang mga ito. Katulad ng ginawa sa kanya noon!
"Ngayon, Portia, mamili ka na. Sino ang papainumin ko ng asidong ito?" tanong niya.
Isang tila demonyong ngiti ang pinakawalan ni Portia. "Ngayon ko lang nalaman na matagal na pala kayong may galit sa akin," tukoy nito sa mga kaibigan. "Ang galing niyo rin magtago, ano? After all what I did, matapos ko kayong gawing hari at reyna sa school, ganito lang ang igaganti niyo sa akin? Ang gusto ko lang naman ay ang katakutan ako ng lahat pero---"
"Mamili ka na!" sigaw
