"SISIMULAN ko na ang pagtuturo sa inyo ng leksiyon!" Isang kahon ang inilabas ni Fely at binuksan niya iyon. "Alam niyo ba ang laman ng kahon na ito?" walang sumagot sa kanyang tanong. Lahat ay masama ang tingin sa kanya na tila ba nais na siyang patayin ng mga ito sa tingin pa lang. "Walang gustong humula?" tanong pa niya.
"Nababaliw ka na, Teacher Fely!" sigaw sa kanya ni Portia. Nagpumilit itong makawala. Dahil hindi naman nakatali ang dalawang kamay ng mga ito ay inumpisahan na ng mga ito na tanggalin ang pagkakatali ng katawan ng mga ito sa bangko.
"Hindi niyo pwedeng tanggalin iyan!" sabay labas ni Fely ng isang kuwarenta y singko na baril."Sasabog ang ulo niyo, subukan niyo lang!" malakas pa siyang tumawa sabay tingin kay Aldous. "Salamat sa baril mo, Aldous. Nakuha ko ito sa kwar
